ჭკვიან სახლში ცხოვრება ბევრს უნდა, მაგრამ ასეთი ტექნოლოგიები ძვირი ჯდება. სახლის მსგავსი ინოვაციური ტექნოლოგიებით მოწყობა მაღალ შემოსავალთან არის დაკავშირებული. თუმცა, რაღაცა დიდის წამოწყება, შედარებით პატარით ყოველთვის შეგვიძლია.

სახლის ჭკვიანი ტექნოლოგიებით აღჭურვისთვის ერთ-ერთი პირველი ნაბიჯი, რომელიც შედარებით ნაკლებ ფინანსებთან არის დაკავშირებული, ჭკვიანი ნათურების შეძენაა.

ჭკვიანი ნათურა შეგიძლიათ დააკავშიროთ Alexa-სთან, Google Home-თან და სხვა მსგავს ტექნოლოგიებთან. ასევე, ის თავისუფლად "დაუმეგობრდება" თქვენს სმარტფონს. სმარტფონით სპეციალური აპლიკაციის გადმოწერის შემდეგ, უკავშირდებით ნათურას და მისი კონტროლი დისტანციურად შეგიძლიათ.

ჭკვიანი ნათურის კონტროლის საშუალებები, ისევე როგორც თავად ჭკვიანი ნათურები, მრავალფეროვანია. ნათურის გაკონტროლება, ხმოვანი შეტყობინებებითაც შეგიძლიათ.

თქვენ ეუბნებით ნათურას — ჩაქვრეს, აინთოს, სიმკვეთრე შეცვალოს, ან სხვა ფრად გაანათოს. როგორც წესი, ჭკვიანი ნათურების შემქმნელები არჩევანის მრავალფეროვნებას გვთავაზობენ. ნათურას შეუძლია გამოსცეს, როგორც ცივი, ისე თბილი ფერები. და რაც მთავარია — სიმკვეთრის კონტროლი. სიმკვეთის კონტროლით სულ რამდენიმე წამში ოთახის გარემოს მთლიანად შეცვლა შეგეძლებათ.

მეტიც, არსებობს ფუნქცია, რის მიხედვითაც თქვენი ოთახში შესვლის შემთხვევაში ნათურა აინთება, ხოლო გამოსვლისას ჩაქვრება.

აღსანიშნავია, რომ ჭკვიანი ნათურების სხვადასხვა ტიპები არსებობს. ზოგ მათგანს კიდევ უფრო მეტი ფუნქცია აქვს. მაგალითისთვის, Stack-ის სენსორული ნათურა ზემოთ ჩამოთვლილთან ერთად, შეგიძლიათ როგორც მაღვიძარა ისე გამოიყენოთ. აპლიკაციით უთითებთ კონკრეტულ დროს, თუ როდის უნდა ჩაირთოს ნათურა და სურვილისამებრ, ის ისე გაანათებს, რომ, როგორც არ უნდა გეზარებოდეთ, გაღვიძება მოგიწევთ.

დაბოლოს, Stack-ის ჭკვიან ნათურას ტემპერატურის შეგრძნება და მის მიხედვით ფუნქციონირებაც შეუძლია. ხოლო თუ მას ბოლომდე ენდობით, ის ქუჩიდან შემომავალი შუქის და საჭიროების მიხედვით გაანათებს.

ერთი სიტყვით, Stack-ის ჭკვიან ნათურას შეუძლია იყოს ისეთი "გონიერი", რომ გადაწყვეტილებებიც თავად მიიღოს. ასეთი ნათურა დაახლოებით ას დოლარამდე ღირს, რაც იაფი არ არის, მაგრამ სხვა ჭკვიან მოწყობილობებთან შედარებით მაინც მოკრძალებული ფასია.

რუბრიკის სპონსორია ტექნიკის მაღაზიათა ქსელი გრანდ ელექტრონიქსი. გრანდ ელექტრონიქსი SHARP-ის, TOSHIBA-ს, Mitsubishi Electric-ის, Midea-ს, Ardesto-ს, Warmhaus-ისა და სხვა პრემიუმ თუ დაბალბიუჯეტური ბრენდებით სახლის ტექნიკით აღჭურვასა და კომფორტის შექმნაში დაგეხმარებათ.

თქვენთვის სასურველი საოჯახო ტექნიკის ყიდვა შესაძლებელია გრანდ ელექტრონიქსის ხუთ ფილიალში: საბურთალოს სითი მოლის, ისთ ფოინთის, მეგალაინის სავაჭრო ცენტრებში და გლდანისა და ვარკეთილის ფილიალებში, აგრეთვე 24/7-ზე გრანდ ელექტრონიქსის ვებგვერდის საშუალებით.