დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის, ამირან გამყრელიძის ინფორმაციით, ქვეყნის სხვადასხვა რეგიონში 16-მდე კლასტერული ეპიდაფეთქებაა.

"დღეს, დაახლოებით, 16-მდე კლასტერული ეპიდაფეთქება გვაქვს ქვეყანაში, სხვადასხვა რეგიონებში — სამეგრელო, ზემო იმერეთი, გურია, შიდა ქართლი და ა.შ. ყველგან ეს ეპიდაფეთქება უკავშირდება დიდ თავშეყრებს. ეს არის, ძირითადად, საბედნიერო თუ ჭირისუფლები.

ამიტომ, ნებისმიერი თავშეყრა, როგორიც არ უნდა იყოს, თუ იქ არ იცვება შესაბამისი რეგულაციები, რომლებიც არის დისტანცია, პირბადე და ხელების ხშირი დაბარა, რა თქმა უნდა, მომატებული რისკია ეპიდაფეთებისთვის", — განაცხადა ამირან გამყრელიძემ.

ეს განცხადება გამყრელიძემ საკოორდინაციო საბჭოს სხდომის შემდეგ გააკეთა. სხდომაზე დამსაქმებლებისთვის დისტანციურ რეჟიმში გადასვლის რეკომენდაცია და 4-11 მაისს უქმე დღეებად გამოცხადებისა გადაწყვეტილება მიიღეს.