სტრატეგია აღმაშენებლის ლიდერის, გიორგი ვაშაძის განცხადებით, ის მდგომარეობა რაც დღეს არის ქვეყანაში, ვერ იქნება ასე დიდხანს. ამიტომ, მისი თქმით, ქართულ ოცნებასა და ოპოზიციას შორის მოლაპარაკებების მესამე რაუნდი უნდა ჩატარდეს.

"ყველაფერი უნდა გავაკეთოთ, რომ ჯერ მესამე რაუნდი ჩატარდეს. მეორე დოკუმენტში უნდა იყოს ხუთივე საკითხთან დაკავშირებით გადაწყვეტა. არა ხუთიდან ოთხზე ან სამზე. მათ შორის პოლიტპატიმრების, რიგგარეშე არჩევნებთან დაკავშირებით უნდა იყოს კონკრეტული გზა. ყველაფერს გავაკეთებთ იმისთვის, რომ ყველა ოპოზიციური პარტია იყოს ხელმომწერი ამ დოკუმენტის და ეს არის ჩემი მთავარი ამოცანა...

მესამე რაუნდი უნდა გაიმართოს შეთანხმების მიღწევის მიზნით და არა რაუნდი რაუნდისთვის", — განაცხადა ვაშაძემ.