ბოლო დღეების განმავლობაში საქართველოში სურსათის ფასმა მნიშვნელოვნად მოიმატა. გაძვირებულ პროდუქტებს შორის საკვები ზეთი ერთ-ერთი ლიდერია. აღნიშნულ ფაქტს ფეისბუქის ზოგიერთი მომხმარებელი იუმორით გამოეხმაურა. მათ შორისაა გოგა წურწუმიაც, რომლის ფოტოებმაც სოციალური ქსელი დაიპყრო.

"ფასიდან გამომდინარე სახლში ვეღარ ვტოვებ", — წერს გოგა წურწუმია საკუთარ ფეისბუქზე.

ფოტო: გოგა წურწუმია / Facebook

ფოტო: გოგა წურწუმია / Facebook

"ზეთის გასეირნების გადაწყვეტილება მას შემდეგ მივიღე, რაც სოციალურ ქსელში ზეთის ფასები ვნახე. მინდოდა რაღაც სახალისო შემეთავაზებინა ჩემი მეგობრებისთვის", — აღნიშნა გოგა წურწუმიამ On.ge-სთან საუბრისას.

ფოტო: გოგა წურწუმია / Facebook

როგორც თვითონ გვითხრა, ფოტოსესიის იდეა მაღაზიაში ყველაზე იაფიანი ზეთის ყიდვის შემდეგ მოუვიდა. ფოტოების დადებით სურდა, ფეისბუქ მეგობრები გაემხიარულებინა, თუმცა უამრავ მოწონებასა და გამოხმაურებას ნამდვილად არ ელოდა.