საბერძნეთის ცენტრალურმა არქეოლოგიურმა საბჭომ (KAS) საერთაშორისო მოდის სახლ GUCCI-ს აკროპოლისში მოდის ჩვენების გამართვაზე უარი უთხრა.

"აკროპოლისის უნიკალური მონუმენტები არ შეესაბამება ამ სახის ღონისძიებას," - წერია KAS-ის განცხადებაში, სადაც ხაზი აქვს გასმული მონუმენტის მსოფლიო მემკვიდრეობის სტატუსს.

გუჩის წარმომადგენლები დაინტერესებული იყვნენ პოდიუმის გამართვით პანთეონსა და ერექტეიონს შორის 15-წუთიანი ღონისძიებისთვის. ჩვენება ივნისში უნდა გამართულიყო. სანაცვლოდ კი მოდის სახლმა 2 მილიონი ევროს სუბსიდია შესთავაზა საბერძნეთის ხელისუფლებას, რომელიც უძველესი ციტადელის რესტავრირების სამუშაოებს უნდა მოხმარებოდა.