პარტია მოქალაქეების ლიდერი, ალეკო ელისაშვილი უპასუხისმგებლოს უწოდებს ფინანსთა მინისტრობიდან ვანო მაჭავარიანის გადადგომას იმ ფონზე, რომ ლარი უფასურდება.

"მე რომ კაცმა მკითხოს, როცა ლარი მიფრინავს და ლარს მიჰყვება ფასები, ამ დროს ფინანსთა მინისტრი რომ მიდის, არის უპასუხისმგებლბა. თან რაღაც უწყინარ პოსტს რომ წერს და ასე მიდიხარ და სერიოზულ განმარტებებს არ აკეთებ, ეს არის უპასუხისმგებლობა", — განაცხადა ელისაშვილმა.

ვიცე-პრემიერი და ფინანსთა მინისტრი, ივანე მაჭავარიანი 31 მარტს თანამდებობიდან გადადგა. მისი თქმით, გადაწყვეტილება გასული წლის ბოლოს მიიღო, თუმცა რამდენიმე თვით გადადო.

რით იყო განპირობებული წასვლის სურვილი მას არ დაუკონკრეტებია, თუმცა მადლობა გადაუხადა ქართული ოცნების წევრებს და წარმატებები უსურვა პარტიას.

ფინანსთა მინისტრად ლაშა ხუციშვილი დაინიშნა, რომელიც ყოფილი მინისტრის მოადგილე იყო.