ვაქცინის დანაკარგების შემცირებისთვის პოლიციისა და ჯარის ჩართულობით სათადარიგო სიები შეიქმნება. ამის შესახებ ვაქცინაციის საბჭოს დასრულების შემდეგ ჯანდაცვის მინისტრმა, ეკატერინე ტიკარაძემ განაცხადა.

მინისტრმა განმარტა, რომ ამ ეტაპისთვის ვაქცინის 181 დოზა დაიკარგა. სამომავლოდ კი ჯარისკაცები და პოლიციელები სავარაუდო დანაკარგის დოზების აცრაში მიიღებენ მონაწილეობას.

ვაქცინაციის საბჭოს გადაწყვეტილებითვე, ვაქცინაციის პროგრამაში ჩართვა 55 წლის ზემოთ პირებსაც შეეძლებათ. ამასთან, აცრის საშუალება ექნებათ დიალიზის პროგრამაში ჩართულ მოქალაქეებსა და ორგანოგადანერგილებს.