18 თებერვალს SPACEHALL-ს Maayan Nidam ეწვევა. მისი სახელი მუდმივ განვითარებასთან, ცვლილებებთან და მრავალფეროვან ვინილ კოლექციასთან ასოცირდება.

გიტარის, დრამის, სინთეზატორის, აკუსტიკური ინსტრუმენტების საუნდის მიქსი მის ნამუშევრებს უნიკალურ ჟღერადობას სძენს. მას რამდენიმე მუსიკალური პროექტი აქვს - Miss Fitz, Laverne Radi, მუსიკას კი ისეთ ლეიბლებზე უშვებს, როგორებიცაა: Perlon, Cadenza Music, Wolf + Lamb და Tрип.

დიჯეიმ და პროდიუსერმა პირველი ალბომი 2009 წელს გამოუშვა. ებრაელი მუსიკოსისათვის ფოლკის სიყვარული გადამწყვეტი აღმოჩნდა, რადგან მის ნამუშევრებზე გავლენას არა მხოლოდ თანამედროვე ტენდენციური ტექნო, არამედ ნაციონალური ეთნო მუსიკაც ახდენს. ბავშვობა, რომელიც არაბული, ებრაული და აღმოსავლეთევროპული გავლენის მქონე საზოგადოებაში გაატარა, მისი მუსიკისთვის მთავარი ინსპირაციაა.