რუსეთის სახელმწიფო დუმამ მესამე მოსმენით მიიღო კანონი, რომელიც სხვა საკითხებთან ერთად ვლადიმერ პუტინს საპრეზიდენო ვადებს უნულებს.

კანონი გულისხმობს, რომ საპრეზიდენტო პოსტის დაკავება მხოლოდ ორჯერ იქნება შესაძლებელი. ამასთან, აღნიშნული დათქმა არ შეეხებათ საპრეზიდენტო თანამდებობაზე მყოფ პირებს. ეს კი ნიშნავს, რომ ვლადიმერ პუტინსა და დიმიტრი მედვედევს კიდევ ექნებათ კენჭისყრის უფლება.

ამის გარდა, კანონში ჩაიწერა, რომ რუსეთის პრეზიდენტი ვერ გახდება პირი, რომელსაც ოდესმე მეორე მოქალაქეობა ან უცხოეთში ბინადრობის უფლება ჰქონია.

ვლადიმერ პუტინმა საკონსტიტუციო ცვლილებები გასული წლის იანვარში წარადგინა. ნორმა ვადების "განულებასთან" დაკავშირებით, რომელიც თეორიულად პუტინს საშუალებას აძლევს ხელისუფლებაში 2036 წლამდე დარჩეს, განხილვების დროს გაჩნდა.