ჯანდაცვის მინისტრის მოადგილის, თამარ გაბუნიას განცხადებით, 15 22-ის ცხელ ხაზზე რეორგანიზაცია მიმდინარეობს. ამასთან, იგი აღნიშნავს, ყველა თანამშრომელი კუთვნილ ანაზღაურებას მიიღებს.

"15 22 არის მთავარი ხაზი, სადაც მოქალაქემ უნდა მიიღოს ინფორმაცია ვაქცინაციის შესახებ. ჩვენ არ მიგვიღია შეტყობინება, რომ რომელიმე მოქალაქემ ან გუშინ ან დღეს ეს ინფორმაცია ვერ მიიღო, ჩვენამდე არ მოსულა. გარკვეული რეორგანიზაცია ცხელი ხაზის ნაწილში მოხდა. პროცედურული საკითხები დასრულდება კვირის ბოლომდე. ამას ვერ დავარქმევ ვერანაირ პროტესტს", — აღნიშნა გაბუნიამ.

23 მარტს გავრცელდა ინფორმაცია, რომ ცხელი ხაზის თანამშრომლებს თებერვლის ანაზღაურება არ აუღიათ, რის გამოც მათი ნაწილი გაიფიცა.