კორონავირუსის საწინააღმდეგო ვაქცინის გაკეთების შემდეგ პრეზიდენტი სალომე ზურაბიშვილი ამბობს, რომ ამ საშუალების გამოყენება აუცილებელია, რათა საზოგადოება დავიცვათ და ქვეყანა კრიზისიდან გამოვიდეს.

პრეზიდენტი ურიგოდ აიცრა, რადგან ჯერჯერობით ქვეყანაში ვაქცინა მხოლოდ სამედიცინო პერსონალისთვის არის განკუთვნილი. ამის შესახებ მან თვითონაც ისაუბრა.

"ჯერ რიგი არის ექიმების, ექთნებისა და იმ მედპერსონალის, რომელმაც გაიარა ეს თვეები ძალიან მძიმედ და ნამდვილად საჭიროა, რომ აიცრან იმისთვის, რომ ჯერ გადამდები არ იყვნენ და დაცულები იყვნენ, რამე თუ მათზეა ძალიან ბევრი რამ დამოკიდებული. მაგრამ მერე დაიწყება შემდეგი ჯგუფების რიგი და ჩვენ თუ გვინდა იმ მძიმე ეკონომიკური შედეგებიდან გამოვიდეთ, რომელიც მოყვება მთელ მსოფლიოში კოვიდპანდემიას, აუცილებელია, ეს საშუალება, რაც მოგვეცა და მოგვეცემა, გამოვიყენოთ, რამეთუ დავიცვათ საზოგადოება და ქვეყანა და გამოვიდეთ ამ კრიზისიდან", — აღნიშნავს სალომე ზურაბიშვილი.