შინაგან საქმეთა სამინისტროს განცხადებით, ერთიანი ნაციონალური მოძრაობის ოფისზე ბანერი, სავარაუდოდ, სროლის შედეგად დაზიანდა. მათივე თქმით, დაწყებულია გამოძიება.

"მედიაში გავრცელებული ინფორმაციის საფუძველზე, სადაც აღნიშნული იყო, რომ თბილისში, კახეთის გზატკეცილზე მდებარე ნაციონალური მოძრაობის ოფისის ფასადზე არსებული ბანერი, სავარაუდოდ, ცეცხლსასროლი იარაღიდან სროლის შედეგად დაზიანდა, შინაგან საქმეთა სამინისტრომ გამოძიება საქართველოს სისხლის სამართლის კოდექსის 187-ე და 236-ე მუხლებით დაიწყო, რაც სხვისი ნივთის დაზიანებას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს. აღნიშნულ ფაქტთან დაკავშირებით, შინაგან საქმეთა სამინისტროსთვის არ მოუმართავთ. გამოძიება მედიაში გასული ინფორმაციის საფუძველზე დაიწყო. ტარდება ყველა შესაბამისი საგამოძიებო და საპროცესო ღონისძიებები", — ნათქვამია შსს-ს განცხადებაში.

ენმ-ს განცხადებით, ოფისის კედელზე ჩამოკიდებულ ნიკა მელიას ბანერს დღეს თეთრი ქამრიდან ესროლეს. მათი განცხადებით, რამდენიმე გასროლა განხორციელდა.