"წულუკიანი რომ არ ყოფილიყო ქალი და რეგლამენტს მოეცა საშუალება, სხვანაირად გავცემდი პასუხს. იმიტომ, რომ აშკარად დაუკრეფავში გადავიდა და ზღვარს გაცდა" — ამ სექსისტური ფრაზით გამოეხმაურა პარტია მოქალაქეების ლიდერი ალეკო ელისაშვილი ქართული ოცნების დეპუტატის მხრიდან მის კრიტიკას.

თეა წულუკიანმა პარლამენტში ელისაშვილს ფარისეველი უწოდა და უთხრა, რომ ის არ უნდა იცინოდეს და ხშირად უნდა ტიროდეს. ამასთან, იუსტიციის ყოფილმა მინისტრმა მის მიმართ გამოიყენა სექსისტური ფრაზა: "ენა იმისთვის არ მიუცია ღმერთს ადამიანისთვის და მით უმეტეს კაცისთვის, რომ ყველაფერი ილაპარაკოს". ამ საკითხზე ელისაშვილმა პალიტრანიუსის ეთერში ისაუბრა.

"მერე მე არ მომეცა პასუხის საშუალება. რა თქმა უნდა, იმავე ტონალობით არ ვუპასუხებდი, როგორც ის მელაპარაკება. ახლა რა ვქნა, ქალია და მე ასე ვერ ვეტყოდი", — თქვა მან.

ელისაშვილმა სექსისტური შინაარსის ფრაზა რამდენჯერმე გაიმეორა.

კამათი წულუკიანსა და ელისაშვილს შორის ბათუმის ბულვარში მშენებლობის საკითხს მოჰყვა. ეს პირველი შემთხვევა არ არის, როდესაც წულუკიანი პარლამენტის ტრიბუნიდან ელისაშვილს და არამხოლოდ მას აკრიტიკებს.

ამავე თემაზე: