ევროპარლამენტარის, ანა ფოტიგას განცხადებით, 2019 წლიდან საქართველოდან წამოსულმა ცუდმა ამბებმა კულმინაციას არჩევნების შემდეგ პერიოდში, ოპოზიციური პარტიის ლიდერის დაკავებისას მიაღწია.

"ათწლეულების განმავლობაში ვუჭერდი მხარს საქართველოს, ვიცავდი ამ ქვეყნის ევროატლანტიკურ ინტეგრაციას, მე ახლამ მხარს ვუჭერ, მაგრამ დრო მოვიდა ჩემი ღრმა აღშფოთება გამოვხატო. 2019 წლის ივნისის შემდეგ ჩვენ საქართველოდან ძალიან ბევრი ცუდი ამბავი გვესმოდა, გარდა ერთი გამონაკლისისა, 8 მარტის შეთანხმებისა ოპოზიციასა და ხელისუფლებას შორის. ცუდმა ამბებმა კულმინაციას მიაღწია აარჩევნების შემდეგ ოპოზიციური პარტიის ოფისში შეჭრისას და ოპოზიციის ლიდერის დაკავებისას. მე მხარს ვუჭერ პრეზიდენტ მიშელის მედიაციას, მე მტკიცებ ვუჭერ მხარს ევროკავშირის ახლად დანიშნულ სპეციალურ წარმომადგენელს თბილისი. ჩვენ ყველამ დიდი ძალისხმევა უნდა გავიღოთ დიალოგის ფასილიტაციისთვის, რომელმაც შესაძლოა მიგვიყვანოს ახალ ინკლუზიურ არჩევნებამდე", — განაცხადა ევროპარლამენტარმა.

ევროპარლამენტის საგაზაფხულო სესიის ფარგლებში საქართველოში არსებულ პოლიტიკურ ვითარებასთან დაკავშირებით დებატები დღეს, 9 მარტს გაიმართა. დებატების საკითხი საგაზაფხულო სესიის დღის წესრიგში ევროპელი დეპუტატების ინიციატივით შევიდა. საქართველოს შესახებ მომხსენებელი ევროკავშირის საგარეო ურთიერთობებისა და უსაფრთხოების საკითხებში ევროკავშირის უმაღლესი წარმომადგენელი და ევროკომისიის ვიცე-პრეზიდენტი, ჯოზეფ ბორელი იყო.

ევროპარლამენტის პლენარულ სესიას ესწრებოდა საქართველოს საპარლამენტო დელაგაციაც, რომელსაც საქართველოს პარლამენტის ევროპასთან ინტეგრაციის კომიტეტის თავმჯდომარე, მაკა ბოჭორიშვილი ხელმძღვანელობდა. ევროპარლამენტის პლენარული სესია 8 მარტს გაიხსნა. მუშაობას იგი 11 მარტს დაასრულებს.