ელენე ხოშტარია საქართველოს ყოფილ პრეზიდენტ მიხეილ სააკაშვილზე აცხადებს, რომ ის ხელისუფლებასა და ოპოზიციას შორის მოლაპარაკებებში გადაწვეტილებებს არ იღებს.

"არაფერს არ დავთმობთ პრინციპულს, პოლიტპატიმრები გამოვლენ და ვადამდელი იქნება, დანარჩენი ტაქტიკის ამბავია, რომელიც ჩვენს კისერსა და ტყავზე გადადის.
მოლაპარაკებებში გადაწყვეტილებებს მიხეილ სააკაშვილი არ იღებს", — წერს ხოშტარია ფეისბუქზე.

სააკაშვილმა 4 მარტს განაცხადა, რომ რიგგარეშე არჩევნებთან დაკავშირებით პლებისციტის მოდელს ოპოზიცია არ უნდა დათანმხდეს.

სტრატეგია აღმაშენებლის ერთ-ერთი ლიდერის, გიორგი ვაშაძის თქმით, ევროპული საბჭოს პრეზიდენტის შარლ მიშელის მხრიდან შეხვედრაზე თხოვნა იყო, რომ გარკვეულწილად კომპრომისულები ყოფილიყვნენ, რაზეც ოპოზიციის წარმომადგენლებმა განაცხადეს, რომ კომპრომისი იქნება, თუ ისინი რიგგარეშე არჩევნების მიმართ პლებისციტზე წავლენ.