თბილისში, სამგორის რაიონში, ცეცხლი გაუჩნდა დემონტაჟისთვის გამზადებულ ვაგონს, რომელიც საწვავის გადასაზიდად გამოიყენებოდა. ამის შესახებ On.ge-ს საგანგებო სიტუაციების სამსახურში განუცხადეს. მათივე ინფორმაციით, ეს არის ცალკე მდგომი ვაგონი და ხანძარი უკვე ლიკვიდირებულია.

უწყებაში აღნიშნავენ, რომ ცეცხლის გავრცელების საფრთხე აღარ არსებობს და ადგილზე 14 სახანძრო ეკიპაში მუშაობს. მათივე თქმით, ხანძრის შედეგად არავინ დაშავებულა.