პარტია მოქალაქეების ერთ-ერთი ლიდერი და ოპოზიციის კვოტით პარლამენტის თავმჯდომარის მოადგილემ, ლევან იოსელიანმა ირაკლი ღარიბაშვილს მიმართა, რომ დიდი და სახელმწიფოებრივი ამოცანები განსხვავებული პოლიტიკური შეხედულებების გარეშე არ მიიღწევა. ამის შესახებ იოსელიანმა კონსტიტუციის 100 წლისთავისადმი მიძღვნილ საზეიმო სხდომაზე განაცხადა, სადაც მანამდე პრემიერმინისტრობის კანდიდატმა სიტყვის დიდი ნაწილი წინა ხელისუფლების კრტიკას დაუთმო.

"დღეს ქვეყანაში, რომელიც არის დამოუკიდებელი, რომელსაც აქვს საერთაშორისო მხარდაჭერა, რომელსაც აქვს თავისი კონსტიტუცია, ბატონო ირაკლი, პრემეირმინისტრობის კანდიდატს მივმართავ, დიდი და სახელმწიფოებრივი ამოცანები განსხვავებული ადამიანების და განსხვავებული პოლიტიკური შეხედულებების გარეშე არ და ვერ მიიღწევა", — თქვა იოსელიანმა.

საქართველოს პრემიერმინიტრობის კანდიდატმა, ირაკლი ღარიბაშვილმა პარლამენტში, კონსტიტუციის დღესთან დაკავშირებით გამართულ საზეიმო ღონისძიებაზე სიტყვის გამოსვლის დიდი ნაწილი ყოფილი ხელისუფლების კრიტიკას დაუთმო. მისი თქმით, ნაციონალურმა მოძრაობამ კონსტიტუცია ერთი ადამიანის ნება-სურვილს დაუქვემდებარა და ეს დოკუმენტი ფეხქვეშ ჰქონდათ გათელილი. დღესვე, ღარიბაშვილმა ნაციონალური მოძრაობა შულავერის კომიტეტს შეადარა.