ევროპული საქართველოს ლიდერის, გიგი უგულავას განცხადებით, პრეზიზიდენტის სალომე ზურაბიშვილის განცხადება საქართველოში მიმდინარე პოლიტიკურ მოვლენებზე დროსა და სივრცეშია აცდენილი. მისივე თქმით, თუკი მას სურს პროცესის ფასილიტატორი გახდეს, ნდობის აღსადგენად გიორგი რურუა უნდა შეიწყალოს.

"სალომე ზურაბიშვილის განცხადება, სამწუხაროდ, დროსა და სივრცეშია აცდენილი ისევე, როგორც ეს ფიგურა.

სამწუხაროდ, ეს ქალბატონი არის ორგანული ნაწილი ქართული ოცნების, არაფრით არ განსხვავდება ღარიბაშვილისგან და თუ სალომე ზურაბიშვილს მართლა სურს, რომ მომლაპარაკებლის როლი იტვირთოს, რასაც მას კონსტიტუცია ავალდებულებს, ამისთვის მინიმალური ნდობა არის საჭირო. მას მინდა მოვუწოდო, ეს არ არის წინაპირობა, მას თუ უნდა გახდეს რაღაცნაირად პროცესის ფასილიტატორი, ამ ნდობისთვის მან, აუცილებელია, შეიწყალოს გიორგი რურუა", — განაცხადა უგულავამ.

სალომე ზურაბიშვილმა გუშინ, 18 თებერვალს განაცხადა, რომ დაძაბულობის განსამუხტად კონსტრუქციული დიალოგია საჭირო. მისივე თქმით, ოპოზიციონერი ლიდერების, გიგი უგულავასა და ირაკლი ოქრუაშვილის შეწყალების მიზანი სტაბილურობის შენარჩუნება და პოლიტიკური კრიზისის დაძლევა იყო. თუმცა, მისი თქმით, პოლარიზაცია და დაძაბულობა დღითიდღე იზრდება.

ნიკა მელიასთვის პატიმრობის შეფარდებიდან რამდენიმე საათში 18 თებერვალს საქართველოს პრემიერმინისტრი, გიორგი გახარია გადადგა. გახარიას გადადგომიდან რამდენიმე წუთში კი, შსს-მ მელიას საქმეზე დაგეგმილი ღონისძიება "დროებით" გადადო.

17 თებერვალს თბილისის საქალაქო სასამართლომ დააკმაყოფილა პროკურატურის მოთხოვნა და ნაციონალური მოძრაობის თავმჯდომარეს, ნიკა მელიას აღკვეთის ღონისძიების სახით პატიმრობა შეუფარდა. საქმეს მოსამართლე ნინო ჩახნაშვილი განიხილავდა. აღსანიშნავია, აღკვეთის ღონისძიების შეფარდება არ ნიშნავს საბოლოო გადაწყვეტილებას — განხილვები ამის შემდეგაც უნდა გაგრძელდეს და სასამართლოს მაქსიმუმ 9-თვიანი ვადა აქვს, რომ საბოლოო ვერდიქტი გამოიტანოს.

მთელი ღამის განმავლობაში ნაციონალური მოძრაობის ოფისში ოპოზიციური პარტიების ლიდერები იმყოფებოდნენ. ისინი აცხადებენ, რომ ხელისუფლებას მელიას დაკავების საშუალებას არ მისცემენ. 18 თებერვალს, დილით პოლიცია ენმ-ის ოფისთან მივიდა, თუმცა აქტივისტებმა შენობაში არ შეუშვეს. ამის შემდეგ შსს-მ გავრცელა განცხადება და პოლიტიკოსებსა და მხარდამჭერებს მოუწოდა, პოლიციას ხელი არ შეუშალონ სასამართლოს გადაწყვეტილების აღსრულებაში.

გუშინ, 18 თებერვალს ქართულმა ოცნებამ პრემიერმინისტრობის კანდიდატად ირაკლი ღარიბაშვილი დაასახელა. იმ შემთხვევაში, თუ პარლამენტი მთავრობის ახალ შემადგენლობას დაამტკიცებს, ღარიბაშვილი პრემიერმინისტრი მეორედ გახ