წლის დასაწყისში მთავრობა სკოლებში ჯანსაღი ცხოვრების წესის დანერგვის იდეით გამოვიდა. თუ როგორ განხორციელდება აღნიშნული რეფორმა, ამ თემაზე დღეს ვრცლად ისაუბრა განათლების მინისტრმა ალექსანდრე ჯეჯელავამ.

განათლების მინისტრი მიიჩნევს, რომ სკოლებმა უნდა აიღონ პასუხისმგებლობა და შეუქმნან მოტივაცია მოსწავლეებს, რათა ისინი ჯანმრთელები იყვნენ.

ჯეჯელავა აცხადებს, რომ მოსწავლეებმა ნაკლები დრო უნდა გაატარონ მობილურებთან და მეტად უნდა ჩაერთონ ფიზიკურ აქტივობებში:

"ჩემს დროს ასე იყო, განსაკუთრებული სიყოჩაღით არ გამოვირჩეოდი, ვერ ვიტანდი თოკზე აცოცებას, მაგრამ სანამ არ ამაცოცეს, მანამ მაწვალეს ასე ვთქვათ. დღეს ვუმადლი ამ ამბავს. ჯანმრთელობა ისეთი რამეა, კი მინდა და ცოტა მინდა და არ მინდა, ძალიან ისეთი რამეა. თუ სადმე უნდა დავაძალოთ, უნდა დავაძალოთ".

განათლების სამინისტროს ანგარიშით, საქართველოს მასშტაბით სკოლებში დარბაზების აშენებას ან განახლებას ჯამში 890 მილიონი ლარი სჭირდება. ჯეჯელავა დასძენს, რომ ამ თანხების მოძიებას სამინისტრო ვერ დაელოდება.