თავისუფლების მოედანზე რუსთავის აზოტის ქარხნის მუშების მხარდასაჭერი აქციას მიმდინარეობს. პროტესტის მონაწილეები დღეს, 7 თებერვალს ვარდების მოედნიდან მსვლელობით რუსთაველის გამზირის მიმართულებით დაიძრნენ.

აქციის ორგანიზატორები და მონაწილეები აზოტის ქარხნიდან გათავისუფლებული მუშების სამსახურში აღდგენას მოითხოვენ.

ასევე, ხელისუფლებას მოუწოდებენ პროცესში ჩაერთოს არა ძალის გამოყენებით, არამედ ხელი შეუწყოს მშრომელთა მოთხოვნების აღსრულებას. ასევე, მათივე მოთხოვნით, პრაქტიკაში უნდა განხორციელდეს კანონი, რომელიც ბანკებს უკრძალავს არაპროფილური ბიზნესის ფლობას, შექმნას რეალური შრომის ინსპექცია, რათა მშრომელებს ჰქონდეთ უსაფრთხო და ღირსეული სამუშაო პირობები.

ფოტო: თორნიკე მანდარია / On.ge

ფოტო: თორნიკე მანდარია / On.ge

ფოტო: თორნიკე მანდარია / On.ge

ერთი კვირის წინ, აზოტის ქარხნიდან დამსაქმებელმა 350 ადამიანი გაათავისუფლა სამსახურიდან. სამსახურში მისულ თანამშრომლებს თავიანთი საშვები დაბლოკილი დახვდათ