2018-2019 წლებში ვანის მუნიციპალიტეტმა სტიქიის სალიკვიდაციო ღონისძიებებისთვის 291 200 ათასი ლარის, ხოლო სოფლის მხარდაჭერის პროგრამის ფარგლებში — 74 900 ათასი ლარის ღირებულების სხვადასხვა მასალა შეიძინა, რომელიც მოსახლეობას არ გამოუყენებია. კერძოდ, აუდიტის სამსახურის ანგარიშის მიხედვით, შესყიდული მასალებით მუნიციპალიტეტის სოფლებში სხვადასხვა ინფრასტრუქტურული სამუშაო უნდა შესრულებულიყო, თუმცა აღმოჩნდა, რომ მოსახლეობისათვის გადაცემული მასალების ნაწილი, რომელთა ღირებულება ჯამში თანხით 76 700 ლარია, დასაწყობებულია და მოსახლეობას დანიშნულებისამებრ არ გამოუყენებია.

"მუნიციპალიტეტმა სამუშაოების დაგეგმვისას არ გაითვალისწინა ყველა ფაქტორი, რასაც შესაძლოა ხელი შეშალა პროექტის წარმატებით დასრულებისათვის. მუნიციპალიტეტმა 76 700 ათასი ლარი დახარჯა არაეფექტიანად და პროექტების სრულყოფილად შესრულებისათვის არ დააწესა სათანადო კონტროლი შესყიდული მასალების დროულ ხარჯვაზე, აღრიცხვასა და გამოყენებაზე", — აღნიშნულია აუდიტის სამსახურის ანგარიშში.