იურიდიულ საკითხთა კომიტეტმა, დღეს, 6 თებერვალს გამართულ სხდომაზე მანანა კობახიძის კანდიდატურას საკონსტიტუციო სასამართლოს მოსამართლის პოზიციაზე მხარი დაუჭირა.

ახლა კობახიძის კანდიდატურის მხოლოდ პლენალურ სხდომაზე განხილვა დარჩა, რომელიც ამავე კვირაშია ჩანიშნული.

საკონსტიტუციო სასამართლოს მოსამართლის პოსტზე მანანა კობახიძის კანდიდატურა ფრაქცია ქართულმა ოცნებამ 23 იანვარს დაასახელა. კობახიძის კანდიდატურას ქართული ოცნების გარდა, მხარს უჭერს პატრიოტთა ალიანსის ექვსივე წევრი. რაც შეეხება საპარლამენტო უმცირესობას, ისინი კობახიძის კანდიდატურას კატეგორიულად ეწინააღმდეგებიან.

საერთშორისო გამჭვირვალობა - საქართველო კი მიიჩნევს, რომ მანანა კობახიძის კანდიდატურა საკონსტიტუციო სასამართლოს მოსამართლის პოსტზე დააზიანებს სასამართლოს ავტორიტეტს. TI პარლამენტს მოუწოდებს არ დაუჭიროს მხარი კობახიძის კანდიდატურას.