ეკონომიკის სამინისტროს ინფორმაციით, საქართველოსა და კორეის რესპუბლიკას შორის საჰაერო მიმოსვლის შესახებ შეთანხმება გაფორმდა. შეთანხმების მიხედვით, საქართველოს ავიაკომპანიები კორეის, კორეისა კი საქართველოს აეროპორტებში რეგულარულ ფრენებს შეასრულებენ. გარდა ამისა, შეიქმნა სამართლებრივი ბაზა ორ ქვეყანას შორის საჰაერო ტრანსპორტის სფეროში.

"2018 – 2019 წლებში საქართველოსა და კორეის რესპუბლიკას შორის რამდენიმე ჩარტერული რეისი შესრულდა, რომლებიც თბილისსა და სეულს შორის ავიაკომპანია Korean Air-მა განახორციელა. შესრულებული ფრენების ფარგლებში 1500 მდე მგზავრი იქნა გადაყვანილი", — ვკითხულობთ ეკონომიკის სამინისტროს განცხადებაში.

უწყების ინფორმაციით, კორონავირუსის პანდემიამდე, კორეიდან საქართველოში შემოსული ვიზიტორების რაოდენობა მნიშვნელოვნად იზრდებოდა.

"2019 წელს საქართველოში კორეის რესპუბლიკიდან შემოსული იქნა 16 642 ვიზიტორი, რაც 2018 წელთან შედარებით 25,3%-ით, ხოლო 2017 წელთან შედარებით 112,2%-ით მეტია", — აცხადებენ ეკონომიკის სამინისტროში.

პანდემიის გამო დწესებული მრავალთვიანი შეზღუდვების შემდეგ, რეგულარულ ფრენები 1-ლი თებერვლიდან განახლდა.