მახინჯაურში ნაპოვნი 75 კატის მდგომარეობა უკეთესობისაკენ იცვლება. როგორც ვეტერინარული კლინიკა ვეტექსი აცხადებს, ცხოველებს უკვე ჩაუტარდათ პირველადი დათვალიერებისა და მოვლის პროცედურები. ზოგადი დათვალიერების შემდეგ განისაზღვრა მათი ჯანმრთელობის მდგომარეობაც. როგორც კლინიკა აღნიშნავს, გადარჩენილი ცხოველებიდან 80 პროცენტზე მეტი ძუა, მათგან 3 კი მაკედაა.

ფოტო: Vetex - ვეტექსი

ფოტო: Vetex - ვეტექსი

ათობით კატა, რომელიც შემგროვებელს მომცრო სივრცეში — 10მ2-ში — ჰყავდა მოქცეული, 7 თებერვალს დაიხსნა ცხოველთა უფლებადამცველთა ორგანიზაცია Animal Project-მა. ორგანიზაციის განცხადებით, მსგავსი შემთხვევა, როცა პროცესი "კანონის დაცვითა და ყველა ჩართულ მხარესთან შეთანხმებით" წარიმართება, ქვეყანაში უპრეცედენტოა. ცხოველთა უფლებადამცველები ასევე იმედოვნებენ, რომ პრეცედენტის გაჩენა კიდევ უფრო დააჩქარებს შემგროვებლობის პრაქტიკის საკანონმდებლო დონეზე აკრძალვას.

რამდენადაც ცნობილია, ნაპოვნი ცხოველების მოვლის და სხვა ხარჯები სრულად იფარება დონაციების საშუალებით, ამიტომ საგანგებოდ გახსნილი ანგარიშის — GE53BG0000000498625931; მიმღები: ა(ა)იპ საქართველოს ფისომოყვარულთა კლუბი; დანიშნულება: მახინჯაურის კატებისთვის — საშუალებით, ყველა მსურველს შეუძლია ფინანსურად დაეხმაროს პროექტს ცხოველებისთვის.