გორის რაიონში, სოფელ კირბალის განაპირას, ადგილობრივი მცხოვრები ჯიმშერ ტიელიძე რუსმა მესაზღვრეებმა დააკავეს.

აღნიშულ ინფორმაციას ადასტურებენ სახელმწიფო უსაფრთხოების სამსახურში და აცხადებენ, რომ იგი ე.წ. საზღვრის უკანონო კვეთის ბრალდებით, გუშინ, 5 თებერვალს დააკავეს. მათივე ცნობით, საქართველოს ცენტრალური ხელისუფლება უკვე მუშაობს, რომ დაკავებული დროულად გათავისუფლდეს.

2017 წლის 3 თებერვალს, დე-ფაქტო სამხრეთ ოსეთის სასამართლომ საქართველოს მოქალაქე გიორგი გიუნაშვილს 20 წლით თავისუფლების უკანონო აღკვეთა მიუსაჯა. გიუნაშვილი საოკუპაციო ძალებმა 2016 წლის 8 ივნისს დააკავეს.