ამერიკის შეერთებული შტატების პრეზიდენტი, დონალდ ტრამპი კვლავ მოსამართლეებს უტევს. მიზეზი გახდა ფედერალური მოსამართლე, ჯეიმს რობარტის გადაწყვეტილება, რომელმაც მთელი ქვეყნის მასშტაბით შეაჩერა დონალდ ტრამპის აკრძალვა შვიდი სახელმწიფოს მოქალაქეების ქვეყანაში შეშვებასთან დაკავშირებით.

დონალ ტრამპმა მოსამართლის საწინააღმდეგო განცხადებები ტვიტერზე დაპოსტა:

"იმის გამო, რომ მოსამართლემ აკრძალვა მოხსნა, ძალიან ბევრი ცუდი და საშიში ხალხი მოაწყდება ჩვენს ქვეყანას. საშინელი გადაწყვეტილებაა".

"მოსამართლემ ჩვენი ქვეყნის კარი გაუღო პოტენციურ ტერორისტებსა და სხვებს, რომლებსაც გულში არ აქვთ ჩვენთვის საუკეთესო ინტერესი. ცუდი ხალხი ძალიან ბედნიერია!"

"უბრალოდ არ მჯერა, რომ მოსამართლეს შეეძლო ჩვენი ქვეყანა ასეთ საფრთხეში ჩაეგდო. თუ რამე ცუდი მოხდება, დამნაშავე ის იქნება, ასევე, სასამართლო სისტემა. ხალხის ნიაღვარი მოედინება [ამერიკაში]. ცუდია!"