საუდის არაბეთში Six Flag Qiddiya-ს პარკის მთავარი ატრაქციონი — Falcon's Flight — აქამდე არსებულ რეკორდებს გააუმჯობესებს და მსოფლიოში ყველაზე გრძელი, მაღალი და, რაც მთავარია, სწრაფი ამერიკული მთები იქნება.

ფოტო: Six Flag Qiddiya

ექსტრემალური თავგადასავლების მოყვარულებს ატრაქციონი 4 კილომეტრიან გზაზე 250 კმ/სთ სიჩქარით მოგზაურობას ჰპირდება. 3 წუთიანი მოგზაურობის განმავლობაში 160 მეტრის სიმაღლის ატრაქციონიდან Six Flag Qiddiya-ს პარკის ხედით ტკბობაც შეგეძლებათ, თუ, რა თქმა უნდა, შიშისგან თვალები დახუჭული არ გექნებათ.

ფოტო: Six Flag Qiddiya

საოცარი სისწრაფე და სისხლში ადრენალინის დონის მომატება — ახალი ატრაქციონი სუსტი გულის მქონე ადამიანებისთვის ნამდვილად არაა.

Six Flag Qiddiya-ს პარკის მშენებლობა 2018 წელს დაიწყო. პარკი სტუმრებს 2023 წლიდან მიიღებს. პარკი 28 ატრაქციონს გააერთიანებს და 6 თემატურ ნაწილად იქნება გაყოფილი.

ფოტო: Six Flag Qiddiya