ქალმა მძინარე ქმარი მანეკენად გამოიყენა და ინტერნეტის საყვარელ მოდელად აქცია

პანდემიამ ბიზნესი, მათ შორის მოდის ცნობილი ბრენდები და ტანსაცმლის მაღაზიები, აიძულა, მომხმარებლებისთვის ახლებური სერვისი შეეთავაზებინა და შესაბამისად, მარკეტინგული გათვლებიც მთლიანად ონლაინსივრცეზე მოერგო.

ამის გამო ყველამ თავისებურ გზას მიმართა და არსებული რესურსი მიზნობრივად გამოიყენა, აი ფილიპინელმა ქალმა კი, რომელიც ტანსაცმლის მაღაზია Jo’s Online Shoppe-ის მფლობელია, განსაკუთრებულ კრეატიულობას მიმართა: ჯოსლინ ქედეი "მოსახერხებელ პოზიციაში" მძინარე ქმარს გადააწყდა და რადგანაც იზოლაციაში სხვა ბევრი არჩევანი არ ჰქონდა, მას მოარგო ტანსაცმელი, ფოტოები გადაუღო და ფეისბუქგვერდზეც გამოაქვეყნა.

"მანეკენი არ გაქვს? რა პრობლემაა", — წერს ის ფოტოების აღწერაში.

ახლა კი ნახეთ მძინარე ქმრის ფოტოები, რომლებმაც ინტერნეტმომხმარებლებისგან განსაკუთრებული მოწონება დაიმსახურა.