გირჩი ერთ-ერთი ლიდერი, ვახო მეგრელიშვილი ამბობს, რომ ქართული ოცნების გაცნობა სურს. ამის შესახებ მან POSTV-ის ეთერში ისაუბრა.

გარდა ამისა, მან გადაცემა პოლიტიკური ინტერვიუს წამყვანს, შალვა რამიშვილს რჩევა სთხოვა, ვის შეიძლებოდა ქართული ოცნებიდან შეხვედროდა, რათა გაიგოს, რა უნდათ მათ.

მეგრელიშვილის თქმით, მმართველი გუნდის გასაცნობად პარლამენტში რომ მივიდეს, "ისტერიკა ატყდება" და მას ადამიანების გაცნობა უნდა და არა შოუს მოწყობა.

"[საქმიანი საუბარი] კი, რა თქმა უნდა, ოღონდ მედიებისა და ზედმეტი გიჟური ყურადღების გარეშე", — აღნიშნა მეგრელიშვილმა.

26 იანვარს მეგრელიშვილმა განაცხადა, რომ ექს-პრეზიდენტ, მიხეილ სააკაშვილთან აპირებს ლაპარაკს, რადგან ის ჰგონია ერთადერთი, ვისაც ოპოზიციის ბედი აღელვებს და გადაწყვეტილების მიღება შეუძლია.

ქართულ ოცნებასთან შესახვედრად 18 იანვარს პარლამენტში პარტია მოქალაქეები იყვნენ. ისინი თავმჯდომარეს, არჩილ თალაკვაძესა და ფრაქციის ლიდერის, მამუკა მდინარაძეს შეხვდნენ. მათ შორის მოლაპარაკებები მას შემდეგ გაიმართა, რაც წინა დღეს შეხვედრის სურვილი თვითონ მოქალაქეების ლიდერმა, ალეკო ელისაშვილმა გამოთქვა. როგორც ელისაშვილი ამბობს, საღამოს არჩილ თალაკვაძე დაუკავშირდა და შეხვედრაზე შეუთანხმდა.