ერთიანი ნაციონალური მოძრაობა მიიჩნევს, რომ მას შემდეგ რაც საქართველომ ვიზალიბერალიზაცია მიიღო, დროა ხელისუფლებამ ევროკავშირში გაწევრიანების შესახებ განაცხადი გააკეთოს.

აღნიშნულის შესახებ პარტიის დეპუტატმა სალომე სამადაშვილმა ისაუბრა და აღნიშნა, რომ თუ ხელისუფლებას შესაბამისი პოლიტიკური ნება აღმოაჩნდება, პროდასავლური ოპოზიცია ამას მხარს დაუჭერს.

"ვფიქრობ,საქართველომ აუცილებლად უნდა გააკეთოს ოფიციალური განაცხადი საქართველოს ევროკავშირში გაწევრიანების შესახებ, რაც ქვეყნის ევროპული მომავლის შეუქცევადობის მნიშვნელოვანი სიგნალი იქნებოდა. ჩემთვის გაუგებარია არგუმენტები, თუ რატომ იკავებს დღეს ხელისუფლება ამისგან თავს.

ნებისმიერ ევროპულ სახელმწიფოს, რომელიც დემოკრატიულ სტანდარტებს აკმაყოფილებს, უფლება აქვს, მსგავსი განაცხადი შეიტანოს და დღეს ჩვენ ამისთვის არანაირი იურიდიული წინაღობა არ გვაქვს" - განაცხადა სალომე სამადაშვილმა.