სლოვაკმა ხელოვანმა ტომაშ ლიბერტინიმ 60 ათასი ფუტკრის დახმარებით ნეფერტიტის ბიუსტი მთლიანად ფიჭისგან შექმნა.

ფოტო: Libertíny Studios

ნამუშევარი, სახელით მარადისობა ორიგინალი ბიუსტის 3D მოდელის მიხედვით შეიქმნა. როგორც ვარაუდობენ, ეგვიპტელი დედოფლის ბიუსტი ჩვენს წელთაღრიცხვამდე 1345 წელს შეიქმნა და ის ახლა ბერლინში, ნოიეს მუზეუმში ინახება.

ლიბერტინის მარადისობის შესაქმნელად 2 წელი დასჭირდა: 3D მოდელის ირგვლივ ფიჭის მშენებლობის პროცესიც ინსტალაციად იქცა და როტერდამში, კუნსტალის მუზეუმში გამოიფინა. დასრულებული ნამუშევარი კი ლიბერტინის სოლო წარმოდგენის, მელანქოლიას ნაწილი გახდა.

ნამუშევარი ბუნების მუდმივობას და ნეფერტიტის, როგორც ისტორიაში ერთ-ერთ ყველაზე გავლენიან ქალს, მიაგებს პატივს.

"ფიჭის სკულპტურა დედაბუნების იდეასთან არის კავშირში, ნეფერტიტის გამოსახულება კი კოლონიის დედოფლის სიმბოლოდ ავიღე. ბევრი იმ ქალის გამოსახულება არ შემოგვრჩა, რომელთაც დიდებაც ისტორიამ შემოინახა", — აღნიშნა სლოვაკმა ხელოვანმა.

ლიბერტინის სერია — ფუტკრების მიერ შექმნილი ბრუტუსის და ბერძნული ამფორას სკულპტურებსაც მოიცავს.

ფოტო: Libertíny Studios

"მინდოდა, შესაძლებლობების ზღვარი გამომეცადა და საკუთარი თავი ნამუშევარს ჩამოვაცილე. ხელოვანის მთავარი შეზღუდვა ფიზიკური უნარები და ხელსაწყოები კი არა, წარმოსახვაა", — განაცხადა ლიბერტინიმ.