დიახ, ბერნი სანდერსმა ინაუგურაციის მიმებზე დუმილი დაარღვია და ყველა კითხვას უპასუხა. ინტერნეტმომხმარებლების ყურადღება პრეზიდენტობის ყოფილმა კანდიდატმა ცნობილი ქურთუკით, ხელთათმანებითა და გამორჩეული პოზით მიიპყრო და იმხელა გამოხმაურება დაიმსახურა, რომ ჯო ბაიდენს პრეზიდენტობის პირველი დღეც წაართვა.

შესაძლოა ბერნის მიმები ათასჯერ მაინც ნახე, მაგრამ თავად სანდერსმა ისინი პირველად მაშინ ნახა, როცა კომიკოსმა, სეთ მაიერსმა მათ შესახებ საკუთარ გადაცემაში ჰკითხა.

"არაფერიც არ მინახავს", — უპასუხა ბერნიმ მიმებზე — "უბრალოდ ჩემთვის თბილად ვიჯექი და ვცდილობდი, არაფერი გამომპარვოდა".

თუმცა, როგორც ჩანს სანდერსი ბოლომდე გულწრფელი არ იყო, ან სიტყვა "მიმების" მნიშვნელობა არ იცოდა, რადგან როდესაც მაიერსმა მას ერთ-ერთი მიმი ანახა, ბერნიმ სიცილით უპასუხა:

"უი კი, ესენი ვნახე".

სანდერსმა ასევე აღნიშნა, რომ მისი ხელთათმანები ვერმონტელმა მასწავლებელმა და მხარდამჭერმა, ჯენ ელისმა 2 წლის წინ აჩუქა [თუმცა ეს ისედაც ვიცოდით].

"ის სკოლაში ასწავლის და ძალიან, ძალიან თავაზიანი ადამიანია. ახლა კი მის მიმართ გამოხატულმა ყურადღებამ ცოტა არ იყოს ააღელვა".

სანდერსს ცნობილი კონვერტის შესახებაც ჰკითხეს, რადგან ყველას გვაინტერესებს, რა იდო მასში, თუმცა, რა თქმა უნდა, მან კრინტიც არ დაძრა:

"სეთ, ეს უმაღლესი რანგის საიდუმლოებაა, ვერაფრით გეტყვი".

ფოტო: Greg Nash / Getty Images

ისღა დაგრჩენია, თუ როგორღაც გამოგრჩა, გუშინდელი მიმები გადაათვალიერო.