დათა ვანიშვილის შვილიშვილის, მალხაზ ვანიშვილის განცხადებით, ხურვალეთის ოკუპირებულ ნაწილში ყოფნის პერიოდში მასზე საოკუპაციო რეჟიმის წარმომადგენლები ძალადობდნენ.

"აქ რომ გადმოვედით პაპა-ბაბოსთან, ცოლიც გამიგზავნეს, ამაზეც ვინერვიულე. ცოლ-შვილის გარეშე როგორ ვიცხოვრო? ჯერ არ გვეყოლა, მაგრამ ამ თვის ბოლოს უნდა გვეყოლოს და მაგათ გარეშე როგორ ვიცოცხლო? მაწუხებენ აქ, სიმართლე რომ გითხრა. რომ გამიგონ, არ შემომივარდნენ არაფერი არ მიქნან. ქართველებს შეაგინეო ოსურადო, რუსებიც აქ არიანო, უარი თქვიო საქართველოზეო. ვიდეო გადაიღეს, ტელეფონით გადაიღეს ეგ. მეშინია უკვე აქ ცხოვრება", — განაცხადა მალხაზ ვანიშვილმა ფორმულას ეთერში.

აღნიშნული კომენტარი ფორმულასთან სატელეფონო საუბრისას ვანიშვილმა 21 იანვარს გააკეთა, თუმცა რათა მის უსაფრთხოებას რაიმე საფრთხე არ დამუქრებოდა ფორმულამ ის დღეს, 22 იანვარს, გამოაქვეყნა.

სახელმწიფო უსაფრთხოების სამსახურმა On.ge-ს დაუდასტურა ინფორმაცია იმის შესახებ, რომ მალხაზ ვანიშვილი ამჟამად საქართველოს მიერ კონტროლირებად ტერიტორიაზე იმყოფება.