ცოტა ხნის წინ ევროპარლამენტმა საბოლოოდ დაუჭირა მხარი უვიზო მიმოსვლას საქართველოს მოქალაქეებისთვის. სიხარულის ტალღამ მეტნაკლებად გადაიარა და სკეპტიკოსებიც გამოჩნდნენ, რომლებიც ამბობენ, რომ არანაკლებ რთული იქნება ვიზალიბერალიზაციის პირობებში საზღვრის გადაკვეთა.

ფოტო: Giphy

რა შეიცვალა რეალურად? მოდით, გავარკვიოთ.

რა იყო საჭირო ადრე

  1. იღებდით ცნობას სამსახურიდან ხელფასის შესახებ;
  2. იღებდით ბანკიდან ბოლო თვეების ამონაწერს;
  3. იღებდით ბანკიდან ანაბრის ცნობას, რისთვისაც სასწრაფოდ უყრიდით თანხას თავს;
  4. იღებდით ორ ფოტოსურათს (რომელშიც, რა თქმა უნდა, ცუდად "გამოდიოდით")
  5. იღებდით პასპორტის ასლებს;
  6. იღებდით სამოგზაურო დაზღვევას;
  7. ავსებდით აპლიკაციის ფორმას, რომელშიც პასუხობდით უამრავ შეკითხვას;
  8. ჯავშნიდით სასტუმროს (სასურველია ტურისტულის ბეჭდით);
  9. ჯავშნიდით თვითმფრინავის ბილეთებს (არ ყიდულობდით, რა იცი რა ხდება);
  10. ნიშნავდით საკონსულოში ან სერვისცენტრში მისვლის თარიღს;
  11. მიდიოდით აღნიშნულ ცენტრში და დგებოდით რიგში;
  12. იხდიდით რაღაც ოდენობის თანხას (35-150 ევრო);
  13. აბარებდით საბუთებს;
  14. ელოდებოდით პასუხს 7-21 დღე;
  15. მიდიოდით პასპორტის წამოსაღებად ან იხდიდით მოტანაში ფულს;
  16. საბოლოოდ ყიდულობდით თვითმფრინავის ბილეთს.

ფოტო: Giphy

რა არის საჭირო ახლა

  1. დაბრუნების ბილეთის ჩვენება (რაც ისედაც გაქვთ);
  2. ამონაწერი ბანკიდან, რომ უკაპიკოდ არ მიდიხართ;
  3. სამოგზაურო დაზღვევა (რაც ასევე ისედაც უნდა გქონდეთ, თუ ათი თავი არ გაქვთ);
  4. სასტუმროს ჯავშანი (5 წუთში ამობეჭდავთ booking.com-დან რამე ჯავშანს).

ფოტო: La La Land

გაადვილდა თუ არა ევროპაში მოგზაურობა - თავად გადაწყვიტეთ.

ამავე თემაზე იხილეთ: ინტერნეტის რეაქციები უვიზო მიმოსვლაზე