ჯო ბაიდენმა საპრეზიდენტო ფიცი დადო. ამ წამიდან ის აშშ-ს რიგით 46-ე პრეზიდენტია.

ბაიდენმა საპრეზიდენტო ფიცი საოჯახო ბიბლიაზე დადო. ამავე ბიბლიაზე დადო მან 2009 და 2013 წელს ვიცე-პრეზიდენტის ფიცი.

საზეიმოდ ფიცი დადო კამალა ჰარისმაც, რომელიც აშშ-ს ისტორიაში პირველი ქალი ვიცე-პრეზიდენტი გახდა.

პანდემიისა და უსაფრთხოების ზომების გამო ინაუგურაციას სტუმრების შეზღუდული რაოდენობა ესწრებოდა. კაპიტოლიუმის წინ შეკრებილი იყვნენ კონგრესმენები და სენატორები. ასევე, ყოფილი პრეზიდენტები. პანდემიის გამო ღონისძიებაზე არ იმყოფება პრეზიდენტი ჯიმი კარტერი.

ბაიდენის წინამორბედი დონალდ ტრამპი ინაუგურაციაზე არ მივიდა. ამის ნაცვლად ის ფლორიდაში გაემგზავრა. მისგან განსხვავებით ფიცის დადება ვიცე-პრეზიდენტი მაიკ პენსი დაესწრო.

გაიგეთ მეტი: