NATO-ს გენერალური მდივანი, იენს სტოლტენბერგი საქართველოს პრეზიდენტ სალომე ზურაბიშვილს შეხვდება. ინფორმაციას ამის შესახებ ჩრდილოატლანტიკური ხელშეკრულების ორგანიზაციის პრესსპიკერი ოანა ლუნგესკუ ტვიტერზე ავრცელებს.

მისივე ცნობით, შეხვედრა 22 იანვარს, NATO-ს შტაბბინაში, ბრიუსელში გაიმართება. შეხვედრის დასრულების შემდეგ, მედიისთვის ერთობლივი პრესკონფერენცია შედგება, რომელიც, თბილისის დროით, 16:15 საათზე (ბრიუსელის დროით კი 13:15 საათზე) დაიწყება.

ზურაბიშვილი, ასევე, ნატო-საქართველოს კომისიის სხდომას დაესწრება.