გირჩი — მეტი თავისუფლება აცხადებს, რომ სამართლებრივად, ღია სივრცეში პირბადის გარეშე გადაადგილებისთვის სანქცია არ არსებობს და შესაბამისად, ამ მიზეზით გამოწერილი ყველა ჯარიმა უკანონოა.

"მთავრობის 368-ე დადგენილების მიხედვით, პირბადის ტარება სავალდებულოა როგორც დახურულ, ისე ღია სივრცეში. შეუსრულებლობის შემთხვევაში კი პირი უნდა დაჯარიმდეს ადმინისტრაციულ სამართალდარღვევათა კოდექსის 42-11-ე მუხლით.

ადმინისტრაციულ სამართალდარღვევათა კოდექსის 42-11-ე მუხლის მიხედვით კი, დაჯარიმებას ექვემდებარება მხოლოდ და მხოლოდ დახურულ სივრცეში უპირბადოდ ყოფნა", — ვკითხულობთ პარტიის მიერ გავრცელებულ განცხადებაში.

პარტია, ერთი მხრივ, მოუწოდებს მთავრობასა და შინაგან საქმეთა სამინიტროს, შეწყვიტონ ადამიანების დაჯარიმება ღია სივრცეში პირბადის გარეშე გადაადგილებისთვის, მეორე მხრივ კი მოქალაქეებს — გაასაჩივრონ ამ მიზეზით გამოწერილი ყველა ჯარიმა.

"სახელმწიფოს მხრიდან უკანონო ძალადობის გატარება ბევრად უფრო სახიფათოა, ვიდრე უსამართლო კანონების მორჩილება", — აცხადებენ პარტიაში.

პირბადის ტარების წესის დარღვევის შემთხვევაში მოქალაქეები 20 ლარით ჯარიმდებიან.