საფინანსო-საბიუჯეტო კომიტეტის თავმჯდომარემ, ირაკლი კოვზანაძემ განაცხადა, რომ დისკომფორტი აქვს პარლამენტის მუშაობაში ოპოზიციის არმონაწილეობის გამო.

"მიუხედავად პოლიტიკური აზრთა სხვადასხვაობისა, დიდი განსხვავებისა, ოპოზიციის ის ნაწილი, რომელიც ჩვენს კომიტეტში მუშაობდა და თანამშრომლობდა, გამოთქვამდა მოსაზრებებს, კრიტიკას, ყოველთვის, სიმართლე გითხრათ, აფხიზლებდა როგორც ტრიბუნასთან მყოფ ადამიანს, ასევე უმრავლესობის წარმომადგენელს. ოპოზიციის მნიშვნელობა პარლამენტში არის ძალიან დიდი. ყოველთვის მიმაჩნდა და აუცილებელია და საჭიროა[...] საჭიროა, რომ ოპოზიცია მონაწილეობდეს. ჩემი პოზიცია ასეთი გახლავთ, რომ ოპოზიცია უნდა მონაწილეობდეს პარლამენტის მუშაობის ძალიან დიდი აქვს და მე თვითონ მაქვს ამასთან დაკავშირებით დისკომფორტი, რომ ოპოზიცია არ მონაწილეობს", — განაცხადა კოვზანაძემ.

დღეს ქართული ოცნების ცენტრალურ ოფისში უმრავლესობის სხდომა გაიმართა.