შინაგან საქმეთა სამინისტრომ იზოლაციისა და კარანტინის წესის დარღვევის გამო 93 ფიზიკური პირი, ხოლო პირბადის ტარების წესის დარღვევის გამო 484 პირი დააჯარიმა.

შსს-ს ცნობით, აღნიშნული დარღვევების გამო ბოლო 24 საათში სულ 577 პირი დაჯარიმდა.

უწყების ცნობით, პირბადის ტარების წესის დარღვევა იწვევს ადმინისტრაციულ პასუხისმგებლობას და ასკ-ის 42(11 -ე მუხლის შესაბამისად ჯარიმას 20 ლარის ოდენობით, ხოლო იზოლაციისა და კარანტინის წესის დარღვევა იწვევს ადმინისტრაციულ პასუხისმგებლობას და ასკ–ის 42(10)-ე მუხლის შესაბამისად ფიზიკური პირის დაჯარიმებას 2 000 ლარით, ხოლო იურიდიული პირის — 10 000 ლარის ოდენობით.

განმეორებითი ჯარიმა კი სისხლის სამართლებრივ პასუხისმგებლობას ითვალისწინებს.