მეტი თავისუფლება — გირჩის ლიდერი, ზარაბ ჯაფარიძის თქმით, პასუხი არ აქვს რა ჯობია, პარლამენტს შიგნით თუ პარლამენტს გარეთ. ამის შესახებ მან TV პირველის ეთერში განაცხადა.

"ვიღაცეები ელოდებიან როდის გამწარდება მშიერი ხალხი და გარეთ გამოვა, არიან პოლიტიკური პარტიები, რომლებიც კი მაგაზე დებენ ფსონს. საბოლოდ კრიზისი იმდენად ღრმა არის და კიდევ უფრო გაღმავდება, რომ ეს გამოიწვევს ხალხის გამწარებას და ეგ იქნება იმის მასტიმულირებელი, რომ ხელისუფლებას მოუწევს ვადამდელი არჩევნების დანიშვნა, მაგრამ, მაქამდე როგორ მიდიხარ ჩემი აზრით მთავარი კითხვა არის ეგ, მაქანდე მისასვლელად რა ჯობია პარლამენტში ყოფნა თუ პარლამნტის გარეთ ყოფნა მაგ კითხვაზე პასუხი არ მაქვს", — ამბობს ჯაფარიძე.

31 ოქტომბერს გამართული საპარლამენტო არჩევნების შედეგებს ოპოზიცია არ აღიარებს. მათ უარი თქვეს მეორე ტურში მონაწილეობაზე და არ აპირებენ პარლამენტში შესვლას. პოლიტიკური კრიზისიდან გამოსავლის საპოვნელად აშშ-სა და ევროკავშირის ელჩების შუამავლობით მმართველი პარტიისა და ოპოზიციურ პარტიებს შორის მოლაპარაკებები მიმდინარეობს. ოპოზიცია მოითხოვს ჩატარდეს რიგგარეშე არჩევნები, გათავისუფლდნენ პოლიტპატიმრები და გადადგეს ცენტრალური საარჩევნო კომისიის თავმჯდომარე, თამარ ჟვანია. ქართულ ოცნებაში ამბობენ, რომ რიგგარეშე არჩევნების ჩატარების საკითხი არ განიხილება.