თბილისის მერის, კახა კალაძის თქმით, ზონალური პარკირების შემოღებამ ბევრი კარგი რაღაც გააკეთა და მთელი ქალაქის მასშტაბი აპირებენ ამის დანერგვას.

"ზონალური პარკირების პროგრამის განხორციელება მომავალშიც გაგრძელდება, ეს ძალიან მნიშვნელოვანი რეფორმაა. ის მავნე პრაქტიკა, რაც იყო, რომ წლობით კონკრეტული ავტომობილები ეყენა, ლპებოდა, პრობლემას წარმოადგენდა, ადამიანი მანქანას ვერ აჩერებდა. ზონალური პარკირების შემოღებამ ბევრი კარგი რაღაც გააკეთა და მთელი ქალაქის მასშტაბით ვაპირებთ დანერგვას. რა თქმა უნდა, ტარიფები რაიონებისა და ქუჩების მიხედვით იქნება განსხვავებული", — ამბობს კალაძე.

აგვისტოდან თბილისში, კოტე აფხაზისა და მის მიმდებარე ქუჩებზე ზონალური პარკინგის წესები ამოქმედდება. პარკირების პირველი 15 წუთი უფასოა. პარკირების ადგილები სამ ნაწილდა (A, B, C) არის დაყოფილი. როგორც მერია განმარტავს ფასები განსხვავებულია და ერთი, ორი და სამი ლარი ღირს.