დონალდ ტრამპმა ხელი მოაწერა ბრძანებას, რომელიც ამერიკაში ლტოლვილთა მიღების პროგრამას 120 დღით აჩერებს.

BBC-ის ინფორმაციით, გამონაკლისს წარმოადგენენ სირიელი მიგრანტები, მათ განუსაზღვრელი ვადით აეკრძალათ ამერიკაში შესვლა.

აღსანიშნავია, რომ ტრამპმა იმავე დღეს განაცხადა, რომ ქრისტიან მიგრანტებს დაეხმარება ამერიკაში შესვლაში. ჯერჯერობით უცნობია, როგორ შეძლებენ სირიელი ქრისტიანი მიგრანტები ამერიკაში შესვლას.

პარასკევს დონალდ ტრამპმა ასევე მოაწერა ხელი ბრძანებას, რომლითაც შვიდი მუსლიმური ქვეყნის მოქალაქეებს ამერიკაში შესვლა აუკრძალა.

ტრამპის გადაწყვეტილებები უკვე შეფასდა, როგორც ამერიკის არათანასწორი დამოკიდებულება განსხვავებული ეროვნებისა და სარწმუნოების მქონე ადამიანების მიმართ.

სირიელი ლტოლვილი. 2016 წელი.

ფოტო: Delil Souleiman / AFP / Getty Images