ამერიკის პრეზიდენტმა დონალდ ტრამპმა კალმის რამდენიმე სწრაფი მოძრაობით 134 მილიონზე მეტ ადამიანს ამერიკის შეერთებულ შტატებში შესვლა აუკრძალა. მან ბრძანებას ხელი პარასკევს მოაწერა.

შეზღუდვა ჯერჯერობით დროებითია - 7 მუსლიმური ქვეყნის მოქალაქეებს ამერიკაში შესვლა 90 დღის განმავლობაში ეკრძალებათ, თუმცა თეთრი სახლის ოფიციალური პირების თქმით, ეს ნაბიჯი უფრო დიდი ბარიერის დაწესების წინაპირობაა.

CNN-ის ცნობით, ეს ქვეყნებია ერაყი, სირია, ირანი, ლიბია, სომალი, სუდანი და იემენი.

ჯერჯერობით უცნობია, აღნიშნულ სიას რომელი ქვეყნები დაემატებიან, თუმცა ოფიციალური პირების თქმით, ადმინისტრაცია კიდევ რამდენიმე ქვეყნის დამატებას განიხილავს.

კითხვაზე, თუ რა კრიტერიუმებით განიხილავენ სხვა ქვეყნებს, ამ 7 ქვეყნის გარდა, ოფიციალურმა პირებმა, უპასუხეს, "რითიც ამერიკის უსაფრთხოებას შეინარჩუნებენ".

ბრძანების ერთ ნაწილში, რომელსაც ტრამპმა ხელი მოაწერა, წერია:

"დავიცვათ ერი უცხოელი ტერორისტების ამერიკაში შემოღწევისაგან".

თეთრი სახლის ოფიციალური პირები დასძენენ, რომ "ამერიკა მეტ რისკზე აღარ წავა".

ამავე თემაზე: