როგორ გავალამაზოთ დონალდ ტრამპი?

GQ-მ გადაწყვიტა ამერიკის ახლადარჩეული პრეზიდენტისთვის გარეგნობა შეეცვალა და ის უფრო მომხიბვლელი გაეხადა. ამისათვის GQ-მ სპეციალური ვიდეო მოამზადა, სადაც აღწერილია, კონკრეტულად რა ნაბიჯების გადადგმაა საჭირო იმისთვის, რომ ტრამპი ნამდვილ პრეზიდენტს დაემსგავსოს.

პირველ რიგში, ვიდეოს ავტორის აზრით, აუცილებელია დონალდ ტრამპის შარვლის ტოტების დავიწროება, რათა ის უფრო სოლიდური გახდეს და "შლაქსების" თაობის წარმომადგენელივით არ გამოიყურებოდეს.

მას შემდეგ, რაც მულტიმილიარდელ პრეზიდენტს შარვალი შეუცვალეს, ჯერი პიჯაკის გამოცვლაზე დადგა. ვიდეოს ავტორის აზრით, უმჯობესი იქნება, თუ ტრამპი მხრებში გამოყვანილ პიჯაკს ჩაიცვამს და ამასთან ერთად, ზედა ღილსაც შეიკრავს ხოლმე.

იმისთვის რომ პრეზიდენტს უფრო გრძელი ხელები გამოუჩნდეს და დაძონძილი არ დადიოდეს, საჭიროა, რომ პერანგის ზომა ზუსტად იყოს შერჩეული და ის პიჯაკის მკლავებს ბევრით არ სცილდებოდეს.

ჯერი ჰალსტუხზეც დადგა. ტრამპი გამოირჩევა დიდი ზომის ჰალსტუხებით, რომელიც თვალს დიდად არ ეხამუშება. უმჯობესი იქნება, თუ ამერიკის პრეზიდენტი უფრო წვრილ და მოხდენილ ჰალსტუხებს შეარჩევს.

კარგი იქნება, თუ ჰალსტუხს მცირეოდენ აქსესუარებსაც დავამატებთ.

ვარცხნილობა...

ტრამპის ვარცხნილობა შესაძლოა მისი სავიზიტო ბარათია, მაგრამ საპრეზიდენტო ნამდვილად არ არის. ამიტომ, ვიდეოს ავტორის აზრით, კარგი იქნება თუ პრეზიდენტი ვარცხნილობასაც შეიცვლის. როგორი უნდა იყოს ის?

ეს ძალიან მოკლეა...

ეს ძალიან გადაპრესილი...

ოუჩ....

აი, იდეალური, სოლიდური და ნამდვილად საპრეზიდენტო არჩევანიც.

ცოტა კანის ფერიც შევუცვალოთ და...

მზადაა. ვნახოთ, საბოლოო ჯამში როგორ გამოიყურება ამერიკის ახლად არჩეული პრეზიდენტი იმიჯის სრულფასოვანი ცვლილების შემდეგ.

ვიდეოს ავტორი აღნიშნავს, რომ ტრამპს მხოლოდ ვიზუალური ცვლილება ვერ გახდის ღირსეულ პიროვნებად და კარგი იქნებოდა მისი თვისებების შეცვლაც შესაძლებელი ყოფილიყო.

იხილეთ სრული ვიდეო

ბოლო ამბები:

გირჩევთ