ამერიკის შეერთებული შტატების ალერგიისა და ინფექციურ დაავადებათა ეროვნული ინსტიტუტის ხელმძღვანელმა ენტონი ფაუჩიმ CNN-ის ეთერში განაცხადა, რომ პერსონალურად ეწვია ჩრდილოეთ პოლუსს და სანტას კორონავირუსის აცრა გაუკეთა.

ამ თემაზე საუბარი მას შემდეგ წამოიჭრა, რაც ჟურნალისტმა ჯანდაცვის ექსპერტს ბავშვების მიერ დასმული ვიდეოკითხვები აჩვენა.

"მინდა გითხრათ, რომ ამ ამბავს უკვე მივხედე, რადგან არ მინდოდა, გენერვიულათ. ცოტა ხნის წინ ჩრდილოეთ პოლოსზე გავემგზავრე და სანტას პირადად გავუკეთე აცრა. გავუზომე იმუნიტეტი და ყველაფერი რიგზეა. შეუძლია ბუხარშიც ჩამოძვრეს, საჩუქრებიც დატოვოს, სხვა სახლშიც გადავიდეს და ა.შ. სანტა უკვე ფორმაშია".

ფაუჩიმ ასევე ისაუბრა ვაქცინაზე და ხაზი გაუსვა იმ ფაქტს, რომ ნიღბის ტარება ვაქცინაციის შემდეგაც აუცილებელია.

ფაუჩიმ და ჯანდაცვის სხვა ექსპერტებმა ამერიკელებს მოუწოდეს, რომ დღესასწაულებზე სიფრთხილის ნორმები არ დაივიწყონ.