ჯანდაცვის მინისტრის ეკატერინე ტიკარაძის განცხადებით, ჯერ 2 დღე აქვთ იმისთვის, რომ იმსჯელონ რა შეზღუდვები დარჩება 24 დეკემბრიდან. მისივე თქმით, ჯანდაცვის სამინისტროს რეკომენდაცია კვლავ მაქსიმალურად მკაცრს შეზღუდვებზეა.

"ჩვენ გვაქვს 2 დღე ჯერ იმისთვის, რომ ვიმსჯელოთ იმასთან დაკავშირებით, რა შეზღუდვები იქნება და ამას საზოგადოება აუცილებლად გაიგებს იმ მომენტისთვის, როდესაც ეს იქნება გადაწყვეტილი", — განაცხადა მან.

მთავრობის შეზღუდვების ახალი, 2-თვიანი გეგმა 24 დეკემბრიდან შეზღუდვების შემსუბუქებას ითვალისწინებდა, თუმცა ბოლო პერიოდში საკოორდინაციო საბჭოს წევრების მიერ გაჟღერებული განცხადებების მიხედვით, შესაძლოა, შეზღუდვები არ მოიხსნან ან გეგმა შეიცვალოს.