ნაციონალური მოძრაობის ერთ-ერთი ლიდერის, ნიკა მელიას განცხადებით ქვეყანაში ხელახალი არჩევნები ჩაინიშნება და ამაზე ის პასუხისმგებლობას იღებს.

"მე პასუხისმგებლობას ვიღებ ყველა ჩემს მეგობართან, კოლეგასთან ერთად და ყველა საღად მოაზროვნე მოქალაქე, რომ ახალი არჩევნები ამ ქვეყანაში იქნება. არ არსებობს ამ ქვეყანაში ახალი არჩევნები არ ჩატარდეს. სახელმწიფო ასეთი რეჟიმის პირობებში ფუნქციონირებას ვერ განაგრძობს. არ შეიძლება ქვეყანას ჰყავდეს ერთი კაცის პარლამენტი", — განაცხადა მელიამ ლეიბორისტული პარტიის ოფისში ოპოზიციური ლიდერების შეხვედრის დასრულების შემდეგ.

მელიას განცხადებით, ხელახალი არჩევნები არის უცვლელი მოთხოვნა და ეს არ გადაიხედება.

"ეს პროტესტი გადაიზრდება უკმაყოფილებაში. გადაიზრდება და ტრანსფორმირდება შეიძლება, მათ შორის დიახ მშვიდობიან რევოლუციაში", — თქვა მელიამ.

მისივე თქმით, საპროტესტო აქციებისთვის მზადების პროცესი დაიწყება, თუ მათი მოთხოვნა არ შესრულდება.