საქართველოში ამერიკის ელჩის, კელი დეგნანის განცხადებით, ამერიკის შეერთებული შტატები დემოკრატიიის შენების პროცესში საქართველოსთვის საუკეთესო მეგობარია და ეს სულ ასე გაგრძელდება.

"ქვეყანას ძალიან რთული დრო აქვს — პანდემია, რთული ეკონომიკური კრიზისი, რეგიონში დრამატულად ცვალებადი მდგომარეობა და რუსეთი. ამ პირობებში აუცილებელია, რომ ქვეყანამ დროულად ნახოს გამოსავალი დემოკრატიის გაძლიერებისთვის, სამუშაო ადგილების შექმნისთვის, ეკონომიკის შენებისთვის. ამერიკა ძლიერი მხარდამჭერია ამ პროცესში. ჩვენ თქვენი საუკეთესო მეგობრები ვართ. ჩვენ გვინდა ყველაფერი გავაკეთოთ, რომ დაგეხმაროთ და განვავითაროთ დემოკრატია, ამიტომაც ვართ ამ პროცესში ჩართული, რომ პარტიებმა გამოსავალი ნახონ. ეს არის დემოკრატიის შენების პროცესი. ფაქტი ისაა, რომ საქართველოს ამერიკაზე უკეთესი მეგობარი არ ჰყავს. ამერიკა და ამერიკის საელჩო წლებია ვმუშაობთ, რომ საქართველოს დავეხმაროთ", — აცხადებს დეგნანი. (თარგმანი ეკუთვნის TV პირველს)

ამერიკის შეერთებული შტატებისა და ევროკავშირის ელჩები უკვე 1 თვეზე მეტია, პოლიტიკურ პარტიებთან ერთად მოლაპარაკებების პროცესში ფასილიტატორებად არიან ჩართულნი და ქვეყანაში არსებული პოლიტიკური კრიზისის განმუხტვას ცდილობენ.