თბილისის მერი, კახა კალაძე აცხადებს, რომ დახმარება კულტურის სფეროს წარმომადგენლებსაც სჭირდებათ. პანდემიის გამო მათ ბევრი პრობლემები შეექმნათ და ისინი "მარტო არ უნდა დავტოვოთ".

"კულტურის სფეროს წარმომადგენლები თქვენთვის ადამიანები არ არიან? არ მიგაჩნიათ ადამიანებად და თქვენ გგონიათ, მათ არ აქვთ პრობლემები? ერთ-ერთი მიმართულება, რომელსაც სერიოზული პრობლემები შეექმნა, არის კულტურის სფერო. მე ადამიანებს არ დავტოვებ მარტო ამ პრობლემების პირისპირ. მაქსიმალურად ექნებათ ჩვენგან ხელშეწყობა და თანადგომა. როდესაც ვსაუბრობთ სოლიდარობაზე, მნიშვნელოვანია, ამ რთულ ვითარებაში ერთმანეთს დავუდგეთ გვერდში. მომღერლები არიან ცუდ მდგომარეობაში და ისინი მიიღებენ საახალწლო კონცერტში მონაწილეობას, რათა, ამ რთულ ვითარებაში, მოსახლეობას შეუქმნან
კარგი განწყობა", — განაცხადა კალაძემ.

მისივე თქმით, კონცერტები არ იქნება ერთჯერადი და, ასევე, გაიმართება შობას და ძველით ახალ წელს. საზოგადოების მხრიდან მოჰყვა კრიტიკა ამ ფაქტს, რადგან კონცერტზე დასწრებას მოქალაქეები ვერ ახერხებენ.