ილიას სახელმწიფო უნივერსიტეტის სამართლის სკოლის ადამიანის უფლებათა მიმართულება ადამიანის უფლებათა საერთაშორისო დღესთან დაკავშირებით საშუალო საგანმანათლებლო დაწესებულებების X-XII კლასის მოსწავლეებისთვის აცხადებს ესეების კონკურსს თემაზე — რა გავლენა მოახდინა კორონავირუსის პანდემიამ შენს უფლებებზე?

ესეის თემა

კორონავირუსის პანდემიამ დიდი გავლენა მოახდინა ბავშვებზე, განსაკუთრებით მათი ჯანმრთელობის, განათლებისა და ძალადობისგან დაცვის უფლებებზე.

ბავშვებისთვის რთული აღმოჩნდა დისტანციური სწავლების სისტემაში ჩართვა, მათ დიდ ნაწილს კი საერთოდ არ მიუწვდებოდა ხელი კომპიუტერსა თუ ინტერნეტზე.

სკოლის მოსწავლეთა ემოციურ მდგომარეობაზე ნეგატიურ კვალს ტოვებს პანდემიის გამო აუცილებელი სოციალური იზოლაციის პირობებში თანატოლებთან ურთიერთობის ნაკლებობაც.

უმაღლეს სასწავლო დაწესებულებაში აცხადებენ, რომ ესეის თემა შეიძლება იყოს ბავშვის ნებისმიერი უფლება, რომელზეც პანდემიამ გავლენა მოახდინა.

კონკურსში მონაწილეობის პირობები:

კონკურსში მონაწილეობისთვის მნიშვნელოვანია შეავსოთ მარტივი სააპლიკაციო ფორმა და სააპლიკაციო ფორმაში ატვირთოთ ესეი. სააპლიკაციო ფორმის შევსებისა და მასში ესეის ატვირთვისას გაითვალისწინეთ შემდეგი საკითხები:

  • ატვირთეთ მხოლოდ ერთი ესეი;
  • ესეიში დაიცავით ილიას სახელმწიფო უნივერსიტეტის აკადემიური სტილი, პლაგიატის შემთხვევაში მიღებული ესეი არ განიხილება კომისიის მიერ;
  • ესეი გამოგზავნეთ 30 დეკემბრის 23:59 საათამდე, დაგვიანებით მიღებული ესეები არ განიხილება;
  • ესეი დაწერეთ ქართულ ენაზე და ქართული ფონტით;
  • ესეის მოცულობა არ უნდა აღემატებოდეს 1 000 სიტყვას;
  • ესეი გამოგვიგზავნეთ MS Word-ის ფორმატში, გამოიყენეთ შრიფტი: Sylfaen, შრიფტის ზომა: 12; ინტერვალი: 1,15;
  • ყურადღებით შეავსეთ აპლიკაციის თითოეული ველი.

პრიზი

კონკურსის ჟიური გამოავლენს სამ გამარჯვებულს, რომლებიც მოიპოვებენ სხვადასხვა ტიპის დაფინანსებას ილიას სახელმწიფო უნივერსიტეტის სამართლის სკოლაში სწავლისთვის.

  • I ადგილზე გასული კონკურსანტი 1 000 ლარიანი სასტიპენდიო ვაუჩერს მიიღებს;
  • II ადგილზე გასული კონკურსანტი — 800 ლარიანი სასტიპენდიო ვაუჩერს;
  • ხოლო III ადგილზე გასულს 500 ლარიანი სასტიპენდიო ვაუჩერი გადაეცემა.

სასტიპენდიო ვაუჩერით სარგებლობას შეძლებთ იმ შემთხვევაში, თუ სკოლის დასრულების შემდეგ ილიას სახელმწიფო უნივერსიტეტის სამართლის სკოლაში განაგრძობთ სწავლას.

კონკურსში მონაწილეობის მიღებით მოსწავლე ეთანხმება კონკურსის პირობებს.

ესეების მიღების ბოლო ვადა მიმდმინარე წლის 30 დეკემბერია. სააპლიკაციო ფორმა ხელმისაწვდომია ბმულზე: https://bit.ly/2VXCFCw

დამატებითი კითხვების შემთხვევაში, დაუკავშირდით მარიამ დევიძეს, ადამიანის უფლებათა მიმართულების მკვლევარს, მისამართზე: [email protected].

ილიას სახელმწიფო უნივერსიტეტის სამართლის სკოლის ადამიანის უფლებათა მიმართულება იტოვებს უფლებას, არ შეარჩიოს გამარჯვებული/ები, თუ მიღებული ესეები კონკურსის პირობებს არ დააკმაყოფილებს.